Foto: elements.envato.com
Májilis depýtattary eńbek daýlary men janjaldardy sheshý tártibin jeńildetetin zań jobasyn qarap, maquldady, - dep habarlaidy Tengrinews.kz agenttigi.
Depýtat Ekaterina Smyshliaeva mundai zań jobasyn ázirleý qajettiligi jyl basynan beri elimizde ótkizilip jatqan jumysshylardyń aktsiiasy men ereýil sanynyń artýyna bailanysty týyndaǵanyn atap ótti. Onyń aitýynsha, oqiǵalardyń basym bóligi kelissózder kezeńinsiz bolady, sonyń saldarynan olardyń bári zańsyz dep tanylyp, jumysshylardyń máselesi sheshilmeidi.
"Zań jobasy jumys berýshiniń jinalystar ótkizýge arnalǵan úi-jailardy berý mindetin belgileidi. Olardy uiymdastyrý ońaiyraq jáne qoljetimdi bolady. Ereýil ótkizý týraly sheshim 2/3 emes, jai kópshilik daýyspen qabyldanýy múmkin, bul rette konferentsiia kvorýmy da azaiady. "Saǵattyq eskertý ereýili" uǵymy engizilip jatyr", - dedi Ekaterina Smyshliaeva ereýilderdi uiymdastyrý rásimin jeńildetýdi kózdeitin normalar týraly aityp.
