Qazaqstanda epidemiologiialyq jaǵdaidyń turaqtanýy baiqalady. Bul týraly QR Densaýlyq saqtaý ministri Aleksei Tsoi málim etti, dep habarlaidy QazAqparat.
«Qazaqstanda 6 qazanda COVID-19-ǵa oń nátijemen 896 162 naýqas jáne KVI-ǵa teris nátijemen 76 517 jaǵdai tirkeldi. KVI-men aýyratyn naýqastardyń shamamen 92 paiyzy saýyǵyp shyqty. Onyń ishinde KVI oń nátijemen - 835 805 naýqas jáne KVI teris nátijemen - 63 902 naýqas», - dedi ministr Ortalyq kommýnikatsiialar qyzmetindegi baspasóz máslihatynda.
Onyń dereginshe, epidemiologiialyq jaǵdai matritsasyna sáikes, 4 óńir táýekeli joǵary, iaǵni «qyzyl» aimaqta ornalasqan.
Sońǵy aida Qazaqstanda epidemiologiialyq jaǵdaidyń turaqtanýy baiqalady.
«Qazaqstan Respýblikasy jáne 8 óńir táýekeli joǵary aimaqtan táýekeli ortasha aimaqqa kóshti. Táýekeli ortasha aimaqtan táýekeli tómen, «jasyl» aimaqqa 3 óńir: Jambyl, Mańǵystaý jáne Qyzylorda oblystary kóshti», - dedi Aleksei Tsoi.
