2025 jylǵa qarai elimizde ekologiialyq standartpen salynǵan 72 iri zaýyt paida bolady. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev Úkimet otyrysynda aitty, dep habarlaidy QazAqparat.
«Jańa kásiporyndarǵa kelsek, 2025 jylǵa qarai 72 iri kásiporyn, onyń ishinde 66 metallýrgiia, 3 himiia jáne 3 tsement zaýytyn salý josparlanýda.
Ol kásiporyndar boiynsha keshendi ekologiialyq saraptama júrgiziledi. Eń ozyq, qoljetimdi tehnologiialardy qoldanyp jáne belgilengen barlyq ekologiialyq talaptardy saqtai otyryp, olardyń qurylysy qamtamasyz etiledi», - dedi Qaiyrbek Óskenbaev.
Sondai-aq, ol ekologiialyq taza kólik óndirisin damytý úshin Saran jáne Almaty qalalarynda YUTONG, Golden Dragon elektr avtobýstary, Qostanai qalasynda JAC iEV7s elektromobili óndirile bastaǵanyn atady.
«Budan basqa, 2022 jyldan bastap Hyundai Ioniq elektromobilderi, 2023 jyldan bastap KIA EV6 óndirisi bastalady.
Elektromobilder men elektr avtobýstary infraqurylymyn qurý úshin Nur-Sultan, Almaty jáne Pavlodar qalalarynda 110 elektr zariadtaý stantsiialary ornatyldy. Elektr tartymdy avtomobilderdi satyp alýdy yntalandyrý úshin Qazaqstanda elektromobilderdiń ieleri kólik salyǵyn tóleýden bosatyldy», - dedi ministrdiń birinshi orynbasary.
