Biyldan bastap mektep qabyrǵasyndaǵy sporttyq sektsiiany ótkizetin dene shynyqtyrý pán muǵalimderine qosymsha ústemaqy tólenedi. Bul týraly QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Sporttyq sektsiialar ashyp balalar sportyn damytamyz deimiz, biraq onyń ekinshi jaǵy bar. Ony júrgizetin adamnyń eńbegin umytpaǵan jón. Sondyqtan da sporttyq sektsiia jetekshileriniń jalaqysyna qosymsha 17 myń teńge ústemaqy tólenedi. Balalarǵa arnalǵan sporttyq sektsiia aptasyna 3 ret ótip turýy tiis. Ony mekteptiń dene shynyqtyrý páni júrgizedi. Buǵan deiin sporttyq sektsiialar tegin túrde ótkiziletin, endigi ýaqytta oǵan qosymsha ústemaqy tólenedi. Oqýyshylarda tańdaý bolý úshin sporttyń barlyq túrin qamtýǵa tyrysamyz. Onyń ishinde fýtbol, voleibol, basketbol, shahmat jáne taǵy basqa. Sondai-aq, ulttyq sport túrleri de bar», - dedi A. Aimaǵambetov elordada ótip jatqan ulttyq mektep sport ligasy barysynda.
Mininstrdiń aitýynsha, atalǵan jańashyldyq biyl qyrkúiek aiynan bastap qolǵa alyndy.
«Bizdiń maqsat – balalardy kóptep sportqa tartý, baýlý. Sportty ilgeriletýge qatysty jumysty Mádeniet jáne sport ministrligimen birlesip júrgizetin bolamyz», - deidi ol.
