Qazaqstanda demalys kúnderi kún salqyndaidy. "Qazgidromet" RMK sinoptikteri 18-20 qyrkúiekke arnalǵan aýa raiy boljamyn usyndy, - dep habarlaidy "Ult aqparat".
Soltústik sýyq antitsiklon áserinen elimizde jaýyn-shashyn toqtap, batysta jáne respýblikanyń qalǵan aýmaǵynda aýa temperatýrasy tómendeidi. Demalys kúnderi bastalǵanda Qazaqstannyń soltústik, shyǵys jáne ońtústik-shyǵys óńirlerinde turaqsyz aýa raiy saqtalyp, jańbyr jaýyp, jel kúsheiedi.
"Respýblikanyń batysynda aýa temperatýrasy túnde azdap joǵarylaidy: 2 gradýs aiaz – 10-nan 1-13 gradýsqa deiin jyly, kúndiz 13-20-dan 15-23 gradýsqa deiin jyly: eldiń soltústik-batysynda, soltústiginde jáne ortalyǵynda túnde termometrler -3-ten +5 gradýsqa, kúndiz 7-15 gradýsqa deiin jyly; shyǵys óńirlerde túnde aýa temperatýrasy 10-18-den 2-10 gradýsqa deiin, kúndiz 20-28-den 10-18 gradýsqa deiin jyly bolady. Al respýblikanyń ońtústiginde: túnde 10-20, kúndiz 25-30-dan 17-25 gradýsqa deiin jyly", - delingen habarlamada.
