Qazaqstanda delfinariiler jabylmaidy. Bul týraly QR Ekologiia, geologiia jáne tabiǵi resýrstar vitse-ministri Áliia Shalabekova aitty, dep habarlaidy QazAqparat.
«Mádeni oiyn-saýyq maqsatynda qoldanylatyn janýarlarǵa qaraý máselesin retteimiz. Oǵan delfin jatady. Ókiletti organdarda bul maqsatta paidalanylatyn janýarlardy ustaý tártibin bekitý boiynsha jańa qyzmet paida bolady. Janýarlardy ustaý erejesinde standattar aiqyndalady. Iaǵni, janýarlardyń tabiǵi qajettiligine orai olardyń ómir súrýleri úshin qolaily jaǵdai qamtamasyz etilýi tiis», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, janýarlardyń jai-kúiine qoǵamdyq baqylaý turaqty júrgiziletin bolady. Sonymen qatar ol elimizde delfinariilerge múldem tyiym salý qarastyrylyp otyrmaǵandyǵyn aitty.
«Bizneske bul baǵytta jumys isteýge múmkindik bolýy úshin jaǵdai jasaimyz. Ekinshi jaǵynan mundai uiymdarda janýarlardyń tolyqqandy ómir súrýine durys jaǵdai jasalýy kerek», - dedi Áliia Shalabekova.
