Qazaqstanda bizneske ruqsat berý rásiminiń sharttary jeńildetilmek, - dep habarlaidy Ult.kz tilshisi premer-ministrdiń resmi saityna silteme jasap.
QR ulttyq ekonomika ministri Qýandyq Bishimbaev Úkimet otyrysy barysynda Qazaqstandaǵy kásipkerlikti qoldaý úshin memleket qabyldaǵan sharalar týraly baiandady.
Ulttyq ekonomika ministri kásipkerlikti damytý maqsatynda 2015 jyly kásipkerlik sektorynda Yellowpagesrules qaǵidasyn qabyldaý úshin memlekettiń qatysýyna shekteý jasaý boiynsha strategiialyq sheshim qabyldanǵanyn atap ótti (básekelestikti shekteitin memlekettik organdardyń is-áreketterine túsken tiimdi biznes qorǵaýdy qurýǵa birqatar sharalar).
Atalǵan qaǵidany júzege asyrý úshin Úkimet memlekettik, kvazimemlekettik sektorlar jáne úlestes tulǵalar iske asyra alatyn is-sharalardyń 271 túrin anyqtady.
"Ekonomikada memleket qatysýynyń úlesin azaitý úshin ótken jyldyń 30 jeltoqsanynda Úkimet 2016-2020 jyldarǵa esepteletin jańa keshendi jekeshelendirý josparyn qabyldady. Jeke sektorǵa memlekettik aktivterdi berý kásipkerlikti odan ári damytýǵa serpin beredi", - dep boljaǵan Q.Bishimbaev 2014-2016 jyldardaǵy jekeshelendirýdiń ekinshi tolqyny obektileriniń jańartylǵan tizbesi 545 uiymnan turatynyn aitty.
Sonymen qatar, ministr biznes retteýdi jetildirý boiynsha júrgizilip jatqan júieli jumysy týraly aityp berdi. Osy jyldyń basynan kásipkerlik qyzmetti memlekettik retteý Kásipkerlik kodeksi arqyly júzege asyrylady. Mamyr aiynan beri ózin-ózi retteý institýty iske qosyldy.
"Memleket basshysynyń tapsyrmasyn oryndaý úshin osy jyly ruqsat etilgen qujattar sany 50 paiyzǵa deiin qysqartyldy. Eger 2014 jyly ruqsat etilgen qujattar 1200-den astam bolsa, búginde litsenziialar men ruqsattardyń 315 túri zańdy túrde bekitildi", - dedi Bishimbaev.
Ministr sondai-aq, "bir tereze" qaǵidaty boiynsha ruqsat berý rásimderin ońailatý úshin qosymsha sharalar jyl sońyna deiin qabyldanatynyn aitty. Budan bólek, biyl Parlamentte talqylanatyn salyq salý jáne salyq jáne keden ákimshiligin jetildirý úshin zań jobasy ázirlendi.
Ult portaly
