16 qyrkúiekte Qazaqstanda 3081 adamnyń analizinen koronavirýs anyqtaldy.
Ótken táýlikte Almaty qalasynda 651 adamnyń koronavirýs testi oń shyq. Qazaqstandaǵy eń iri qala koronavirýs kórsetkishi boiynsha respýblikada birinshi orynda tur. Beisenbi kúni Qaraǵandy oblysynda – 392, Nur-Sultanda – 338, Almaty oblysynda – 252, Aqtóbe oblysynda 224 naýqas tirkelgen.
2020 jyldyń naýryz aiynan beri 854 myń adamnyń PTR testi oń shyqqan. 10 611-i qaitys bolǵan.
Buǵan deiin densaýlyq saqtaý ministrligi Qazaqstanda epidemiologiialyq ahýal turaqtalǵanyn habarlaǵan. Biraq elde koronavirýs kórsetkishi pen onymen bailanysty adam ólimi byltyrmen salystyrǵanda áli de joǵary.
Sársenbi, 15 qyrkúiekte Qazaqstanda koronavirýspen bailanysty 70 adam ólimi tirkeldi: 62 adam – koronavirýstan, 8 adam koronavirýs pnevmoniiasynan qaitys boldy dep aitylady.
Qazaqstan 2020 jyldyń 1 tamyzynan bastap PTR testi teris shyqqan, biraq aýrý belgileri boiynsha koronavirýsqa uqsaityn "kovidtektes pnevmoniia" esebin júrgizip keledi. Osy kúnge deiin pnevmoniianyń bul túrine 73,5 myń adam shaldyqqan. 4714-i qaitys bolǵan. 15 qyrkúiekte 236 adamǵa koronavirýs pnevmoniiasy diagnozy qoiyldy.
Qazir el boiynsha 72 789 adam koronavirýs infektsiiasynan (64 262 KVI+ jáne 8 527 KVI-) emdelip jatyr. Olardyń ishinde 13 610 patsient statsionarda, 59 179 naýqas ambýlatoriiada emdelip júr.
KVI+, KVI- shaldyqqandardyń arasynda: 1 064 adamnyń jaǵdaiy aýyr, 317 patsienttiń jaǵdaiy óte aýyr, 192 naýqas ÓJJ apparatyna qosylǵan.
Osy aptada densaýlyq saqtaý ministrligi indettiń beti qaitqandyqtan 25 tamyzdan beri respýblika boiynsha 60 statsionar jabylǵanyn habarlady.
Sońǵy málimet boiynsha, koronavirýsqa qarsy ekpeni 6 mln-nan astam adam tolyq alǵan. Budan bólek, 1,2 mln adam vaktsinanyń ekinshi dozasyn kútip otyr.
Vaktsina saldyrǵandar sany boiynsha Almaty qalasy aldyńǵy orynda, qalada 922 556 turǵyn vaktsinanyń birinshi komponentin, 821 717 adam ekinshi komponentin saldyrǵan.
Ekpe alýdan ekinshi orynda - Túrkistan oblysy. Óńirde 824 620 adam koronavirýs vaktsinasynyń 1-komponentin, 642 284 adam 2-komponentin egilgen.
Úshinshi orynda Almaty oblysy – 725 430 adam ekpeniń birinshi bóligin alsa, 606 788 adam ekinshi bóligin qabyldaǵan.
Amerikalyq Djons Hopkins ýniversitetiniń málimeti boiynsha, álemde 227 mln adam koronavirýsqa shaldyqqan, 4,6 milliony qaitys bolǵan.
