Elimizde benzin sapasyn tekseretin quzyrly organ anyqtaldy. Bul týraly QR Ekologiia, geologiia jáne tabiǵi resýrstar ministrligi Ekologiialyq retteý jáne baqylaý komitetiniń tóraǵasy Zulfuhar Joldasov málim etti, dep habarlaidy QazAqparat.
«Qorshaǵan orta lastanýynyń úsh negizgi kózi bar. Birinshi kezekte - túrli qaldyqtar. Ekinshi – JEO (jylý elektr ortalyǵy) sebebi ol kómirmen jumys isteidi. Búgingi tańda elimiz boiynsha tórt qazandyq gazǵa aýystyryldy. Jyl sońyna deiin gazǵa aýysatyn qazandyqtardyń sanyn 12-ge jetkizemiz. Sonymen qatar, qala aýmaqtarynda 160-qa jýyq qazandyq bar, onyń máselesin ákimdik sheshýi kerek. Odan bólek, avtokólik máselesi bar. Bul jerde de birqatar problema bar, onyń ishinde benzinniń sapasyna da qatysty. Osyǵan deiin elimizde quzyretti organ bolǵan joq. Búgingi tańda benzinniń sapasyn tekseretin quzyretti organ anyqtaldy», - dedi Z. Joldasov OKQ-de ótken baspasóz máslihatynda.
Komitet basshysynyń sózinshe, búginde elordadaǵy jeńil avtokólikterdiń 50 paiyzy Eýro-4 jáne Eýro-5 standartyna jatady.
«Atalǵan standartqa sáikes keletin kólik sanyn kóbeitý qajet. Ol úshin baqylaý júrgizý qajet. Iaǵni avtomobilderdi baqylaý jáne tehnikalyq baiqaý jaǵdailaryn jaqsartý kerek», - deidi ol.
