Búgin Qazaqstanda alǵash ret Ulttyq vaktsinatsiia kúntizbesine sáikes balalar vaktsinalary týraly barlyq qajetti aqparat jinaqtalǵan biryńǵai resmi resýrs iske qosyldy, dep habarlaiy QazAqparat IýNISEF-tiń baspasóz qyzmetine silteme jasap.
BUU Balalar Qory (IýNISEF) Sanitarlyq-epidemiologiialyq baqylaý komitetimen, Qazaqstan Respýblikasy Densaýlyq saqtaý ministrliginiń Qoǵamdyq densaýlyq saqtaý ulttyq ortalyǵymen (QR DSM QDSUO), AQSh Halyqaralyq damý agenttiginiń (USAID) qarjylyq qoldaýymen balalardyń josparly vaktsinatsiiasy týraly resmi aqparat pen meditsinalyq zertteýlerdiń nátijeleri jinaqtalǵan sait ázirledi.
Birneshe ai boiy MedSupport dárigerleri men ǵalymdar toby IýNISEF-pen birlesip qajetti derekterdi iriktep, ata-analar men Qazaqstandaǵy immýndaý taqyrybyna qyzyǵýshylyq tanytatyn adamdar úshin EGU.kz saitynyń qurylymy, interfeisi jáne kontentin barynsha qolaily etý boiynsha jumys júrgizdi.
Aqparattyq resýrsta Ulttyq vaktsinatsiia kúntizbesine engizilgen árbir vaktsinanyń tolyq sipattamasy bar. Saitqa kirgen kez-kelgen adam vaktsina qorǵaityn infektsiialarmen tanysyp, qarsy kórsetilimder men yqtimal janama áserler týraly oqi alady.
Saittyń iske qosylýymen árbir qazaqstandyq ata-ana aýtizm jáne QPQ vaktsinasy týraly miftiń qalai paida bolǵany, nelikten balalar ekpelerinde synap joq ekendigi, sondai-aq inektsiia ornyn sýlaýǵa bolatyny álde bolmaityny jaily biletin bolady. Sondai-aq vaktsinatsiia týraly mifterdiń tolyq tizimi men olardy áshkerleitin senimdi aqparattar týraly biledi.
«Vaktsinatsiia máseleleri kópshilik pen buqaralyq aqparat quraldaryn jii alańdatady. EGU.kz saitynyń negizgi mindeti – vaktsinalar týraly tolyq jáne senimdi aqparat berý jáne respýblikada vaktsinatsiialaý jumystaryn uiymdastyrý. Bul platforma vaktsinatsiia salasyndaǵy tájiribeli mamandar jáne ǵalymdar men halyqtyń arasyndaǵy ashyq jáne shynaiy dialogyna arnalǵan, dialogtyń arqasynda árkim óz suraqtaryna kásibi jáne ǵylymi negizdelgen jaýaptar ala alady», - dedi Aijan Serikbaiqyzy Esmaǵambetova, Qazaqstan Respýblikasy Densaýlyq saqtaý ministrliginiń Sanitarlyq-epidemiologiialyq baqylaý komitetiniń tóraiymy.
Sait qazaq jáne orys tilderinde qoljetimdi. Kórý qabileti buzylǵan adamdarǵa arnalǵan nusqa da bar.
«Vaktsinatsiia – ata-analar úshin balalaryn juqpaly aýrýlardyń aýyr zardaptarynan qorǵaýdyń jalǵyz, eń tiimdi jáne balamasy joq ádis. Egu.kz saitynda siz vaktsinatsiia týraly durys, dáleldi jáne negizdelgen aqparatty ala alasyz», - dedi Qazaqstan Respýblikasy Densaýlyq saqtaý ministrligi Ulttyq qoǵamdyq densaýlyq saqtaý ortalyǵy basqarma Tóraǵasynyń orynbasary Ainagúl Qýatbaeva.
Resmi resýrsta Vaktsinatsiia kúntizbesi, Vaktsinatsiia ortalyqtary, Vaktsinalar men aýrýlar, mifter, Suraqtar men jaýaptar siiaqty aidarlar bar. EGU.kz saitynda ata-analar vaktsinalardyń túrleri týraly aqparatqa qol jetkizip, olardyń qaýipsizdigin tekserýdiń barlyq kezeńderi týraly biledi jáne olardy mazalaityn suraqtarǵa jaýap ala alady. Sait sonymen qatar vaktsinatsiia tarihyna qysqasha sholý jasaidy jáne vaktsinamen basqarylatyn birqatar juqpaly aýrýlardy jeńý jolyndaǵy adamzattyń alǵashqy qadamdaryn sipattaidy. Aldaǵy ýaqytta ol balalardy josparly vaktsinatsiialaý týraly ózekti statistikalyq derektermen tolyqtyrylatyn bolady.
«Vaktsinalardy oilap shyǵarý – meditsinanyń eń úlken jetistigi. Ózińizdi jáne balańyzdy densaýlyqqa qaitymsyz ziian keltiretin, keide ólimmen aiaqtalatyn qorqynyshty aýrýlardan qorǵaýdyń eń tiimdi jáne keide jalǵyz joly bolyp tabylady. 21 ǵasyrda keibir ata-analar balalaryn vaktsinatsiialaýdyń tiimdiligi men qajettiligine qatysty áli de kúmándanýda. Durys jáne aqparattandyrylǵan tańdaý jasaýǵa kómektesý úshin IýNISEF óziniń seriktesterimen birge buryn Qazaqstanda bolmaǵan biregei sait ázirledi. Ulttyq vaktsinatsiia kúntizbesine kiretin vaktsinalar týraly barlyq aqparatty tabý ońai jáne jeńil bolatyn alań. Bul sait ata-analar úshin óz balasyn vaktsinatsiialaý týraly mańyzdy sheshim qabyldaýda paidaly qural bolady dep senemin», - dep belgilep ótti Qazaqstandaǵy IýNISEF Ókili Artýr van Dizen.
Sait turǵylyqty jerge eń jaqyn vaktsinatsiia ortalyǵyn tabýǵa múmkindik beretin yńǵaily kartamen jabdyqtalǵan. Balańyzǵa josparly egýdi umytyp ketpeý úshin ata-analar elektrondy kúntizbege vaktsinany ýaqytynda qoiý qajettiligi týraly eskertý fýnktsiiasyn qoldana alady.
«Biz osy jobanyń bir bóligi bolǵanymyzǵa qýanyshtymyz. EGU.KZ saity qazaqstandyq sábilerdiń qaýipsiz jáne salaýatty balalyq shaǵy úshin ata-analardyń taptyrmas kómekshisi bolady!» - dep túsindirdi Medsupport Komandasy.
Sait IýNISEF Qazaqstan men Qazaqstan Respýblikasy Densaýlyq saqtaý ministrliginiń immýndaý júiesin kúsheitý jónindegi birlesken baǵdarlamasy sheńberinde ázirlengen.
«Immýndaý ómirdi ǵana qutqaryp qoimaidy, sondai-aq balalarǵa, áielderge jáne otbasylarǵa órkendeýge múmkindik beredi. Bul mańyzdy veb-saitta berilgen aqparat adamdarǵa vaktsina arqyly aldyn alatyn aýrýlardyń qaýpinen qorǵanýǵa kómektesedi. Nátijesinde balalar mektepte bolyp, ata-analar óz otbasyna qamqorlyq jasap, qoldaý kórsetý arqyly óz qoǵamdastyǵy men eliniń ekonomikalyq ósýine yqpal ete alady», - USAID/Ortalyq Aziia missiiasy direktorynyń mindetin atqarýshy, Piter Iang.
Qazaqstan Respýblikasy Densaýlyq saqtaý ministrligi Ulttyq qoǵamdyq ortalyǵynyń qyzmeti týraly tolyq aqparatty https://hls.kz/ saitynan jáne Facebook , Instagram , Telegram áleýmettik jelilerinen bile alasyz.
IýNISEF óz qyzmetin ár balanyń quqyqtary men ál-aýqatyn qamtamasyz etý maqsatynda júzege asyrady. IýNISEF óziniń seriktesterimen birlesip, álemniń 190 eli men aýmaqtarynda óz mindettemelerin júzege asyrý maqsatynda jumys isteidi, bul rette neǵurlym az qamtylǵan jáne oqshaýlanǵan balalardy qamtý máselesine; balalardyń igiligine, álemniń barlyq buryshtarynda erekshe nazar aýdarady.
IýNISEF-tiń qyzmeti týraly tolyq aqparat www.unicef.org saitynda bar.
Instagram, Facebook jáne Twitter jelilerindegi paraqshalarymyzǵa jazylyńyz.
USAID damý jónindegi jetekshi halyqaralyq agenttik jáne damý nátijelerine qol jetkizýge yqpal etetin katalizator bolyp tabylady. USAID jumysy AQSh-tyń ulttyq qaýipsizdigi men ekonomikalyq órkendeýin alǵa tartady, amerikandyq jomarttyqty kórsetedi jáne alýshynyń ózin-ózi qamtamasyz etýi men turaqtylyǵyna jol ashady. Qosymsha aqparat alý úshin Facebook paraqshasy men Ortalyq Aziiadaǵy USAID saityna kirińiz: https://www.facebook.com/USAIDCentralAsia.
