"Áleýmettik jeliler men messendjerlerde qazaqstandyqtar QR Densaýlyq saqtaý ministri Aleksei Tsoi balalardy COVID-19 qarsy mindetti vaktsinatsiialaý týraly buiryqqa qol qoiǵany týraly habarlama taratylýda. Bul - jalǵan" dep jazady stopfake.kz saity.
Sanitarlyq-epidemiologiialyq baqylaý komiteti 12 jastan asqan barlyq balalardy COVID-19-ǵa qarsy vaktsinatsiialaýǵa mindetteitin buiryq týraly aqparatty joqqa shyǵardy. Vedomstvonyń resmi ókili mundai buiryq joq ekenin málimdedi.
– Qazirgi ýaqytta vaktsinanyń qajetti kólemin esepteý, sýyq tizbekti qamtamasyz etý júrgizildi (Pfizer vaktsinasy úshin ýltra tómen temperatýralyq rejimdi saqtaý qajet -minýs 60 -90 gradýs Tselsii). Jasóspirimderdi egýge arnalǵan vaktsinany alýdyń boljaldy ýaqyty – biyl qarashanyń ekinshi onkúndiginde. Atalǵan toptarǵa jatatyn tulǵalardy vaktsinatsiialaý olardyń aqparattandyrylǵan erikti kelisiminen keiin, jasóspirimderdi – tek ata-analardyń nemese resmi ókilderdiń kelisimi boiynsha ǵana júzege asyrylatynyn atap ótkenimiz jón, – dep habarlady Erjan Baitanaev.
Aita keteiik, Elimizdiń bas sanitarlyq dárigeri Erlan Qiiasov halyqty koronavirýstyq infektsiiaǵa qarsy Pfizer vaktsinasymen egý boiynsha ádistemelik usynymdardy bekitken bolatyn. Birinshi kezeńde preparat 16-37 apta merzimindegi júkti áielderge jáne 16-dan 18 jasqa deiingi jasóspirimderge egiledi.
