«Qýatty óńirler – el damýynyń draiveri» Ulttyq jobasy sheńberinde halyqty aýyzsýmen qamtamasyz etý úshin 2021-2025 jyldar aralyǵynda respýblikalyq biýdjetten 498 mlrd teńge jumsalmaq. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy QazAqparat.
«Qýatty óńirler – el damýynyń draiveri» Ulttyq jobasy sheńberinde 2021-2025 jyldar aralyǵynda respýblikalyq biýdjetten 498 mlrd teńge, onyń ishinde aýyldyq eldi mekenderge 261 mlrd teńge bólý kózdelýde.
Aǵymdaǵy jyly sýmen jabdyqtaý jáne sý burý júielerin salý men rekonstrýktsiialaýǵa 151,4 mlrd teńge, onyń ishinde qalalarda – 77,3 mlrd teńge, aýyldarda – 74,1 mlrd teńge kózdelgen», - dedi QR Indýstriia jáne infraqurylymdyq damý ministrligi Qurylys jáne turǵyn úi-kommýnaldyq sharýashylyq isteri komiteti tóraǵasynyń orynbasary Beibit Shahanov.
Onyń aitýyna qaraǵanda, 2021 jyldyń qorytyndysy boiynsha el halqynyń 95% sapaly sýmen jabdyqtaý kózdelgen, bul kórsetkishti qalada – 98%, aýylda – 91,8% jetkizý josparlanǵan.
