Qazaqstanda Otbasy kúni qarsańynda aýyl kitaphanalarynyń kitap qoryn tolyqtyrýǵa baǵyttalǵan «Aýylyma kitap» respýblikalyq qaiyrymdylyq aktsiiasy júzege asyrylyp jatyr, dep habarlaidy "Ult aqparat".
QR Aqparat jáne qoǵamdyq damý ministrliginiń qoldaýymen «Azamattyq bastamalardy qoldaý ortalyǵy», «Rýhani jańǵyrtý» qazaqstandyq qoǵamdyq damý institýtynyń Otbasy institýtyn zerdeleý ortalyǵymen birlese qolǵa alǵan aktsiia osy jyldyń 16 tamyzy men 20 qyrkúiegi aralyǵynda ótkiziledi. Elimizdiń barlyq óńirindegi aýyl kitaphanalaryna kitap jinaý jáne jetkizý is-sharasyna balalardyń bolashaǵyna bei-jai qaramaityn kez kelgen azamat, bastamashy toptar, kommertsiialyq uiymdar shaqyrylady.
Aýyl kitaphanalaryna qazaq, orys jáne aǵylshyn tilderinde jaryq kórgen zamanaýi balalar men jastarǵa arnalǵan ádebietter kerek. Mundai basylymdardy kitap ne bolmasa elektrondy tasymaldaǵysh túrinde usynýǵa, sondai-aq balalar men jasóspirimderdiń damýyna septigin tigizetin ústel oiyndaryn da berýge bolady.
Jinalǵan kitaptardy «Rýhani jańǵyr» jobalyq keńesiniń ózińizge taiaý ornalasqan keńsesine ákelýińiz qajet. Al kitaptardyń elektrondyq nuqasyn jakupova@cisc.kz poshtasyna jibere alasyz.
