Qazaqstanda adamnyń immýntapshylyq virýsy (AITV) infektsiiasy bar 55 adam koronavirýspen aýyrdy.
Bul týraly Ortalyq kommýnikatsiialar qyzmetinde ótken onlain brifingte QR Densaýlyq saqtaý ministrliginiń Qazaq dermatologiia jáne infektsiialyq aýrýlar ǵylymi ortalyǵynyń direktory Baýyrjan Baiserkin aitty, dep habarlaidy QazAqparat.
«Dispanserlik esepte turǵan adamdardyń ishinde AITV infektsiiasy bar 55 adam koronavirýspen aýyrǵan. Bul adamdar antiretrovirýstyq terapiiaǵa jatady degen boljam bar, demek bul virýstyń damýyn qandai da bir jolmen tejeidi. Pandemiianyń qazirgi kezeńinde elimizde AITV infektsiiasy bar 55 adam koronavirýspen aýyrǵan. Olardyń aýyrǵandyǵy PTR-test arqyly rastalǵan», - deidi Ortalyq Aziiadaǵy IýNEIDS keńsesi direktorynyń mindetin atqarýshy Gabriella Ionashký.
Sonymen qatar, ol AITV infektsiiasyn juqtyrǵan adamdardy emdeýdiń jeke hattamasy jasalatyn-jasalmaityny týraly aitty.
«Biyl biz AITV infektsiiasyn juqtyrǵan adamdarǵa arnalǵan eki klinikalyq hattamany jańarttyq, olar eresekter men balalarǵa arnalǵan klinikalyq hattama. Onda biz Dúniejúzilik densaýlyq saqtaý uiymynyń AITV infektsiiasyn emdeý boiynsha barlyq sońǵy usynystaryn engizdik. Diagnostikaǵa qatysty máseleler de osylai sheshildi. Ádette, ART terapiiada júrgen adamdar dári-dármekterdi uzaq ýaqyt qoldanǵandyqtan, jas erekshelikterine bailanysty júrek-qan tamyrlary aýrýlary, tirek-qimyl apparaty aýrýlary, kúizelis siiaqty qosymsha aýrýlarmen aýyrady. Mundai adamdar koronavirýspen aýyrsa – erekshe emdeý joly qarastyrylmaǵandyqtan, basqalar qalai emdeledi – olar da solai emdeledi», - deidi ol.
