Birinshi jartyjyldyqta 84 myńnan astam adam áleýmettik jelidegi radikaldy toptardan shyǵaryldy. Bul týraly QR Aqparat jáne qoǵamdyq damý ministrligi Din isteri komitetiniń tóraǵasy Erjan Núkejanov aityp berdi, dep habarlaidy QazAqparat.
«Birinshi jartyjyldyqta áleýmettik jelilerde destrýktivti toptarda tirkelgen 84 myńnan astam otandasymyzdy osy toptardan shyǵaryp aldyq. Bul – úlken kórsetkish. Sol toptarǵa bilip nemese bilmei baiqaýsyzda ketip qalǵan azamattarymyz bar. Sol jumys nátijesinde osyndai kórsetkishge qol jetkizip otyrmyz», - dedi E. Núkejanov Ortalyq kommýnikatsiialar qyzmetinde ótken baspasóz máslihatynda.
Komitet tóraǵasynyń aitýynsha, jyldan-jylǵa elimizde destrýktivti materialdar sany da artyp keledi.
«Biyl dini ekstremizm men terrorizm ideialaryn nasihattaityn 80 myńnan astam materialdy joiyp, 300-den astamyn materialdy buǵattadyq. Degenmen bul máseleni tek shekteýmen sheshe almaitynymyz anyq. Ol úshin media salasynda jumys isteitin sapaly mamandardy daiarlap jatyrmyz, «SMART MEDIA» jobasy arqyly búginde 300-den astam maman mediabiliktiligin arttyrýda. Ózimiz de qosymsha aqparattar jariialap otyrmyz. Byltyr osy kezeńge deiin 26 myń material jariialasaq, biyl – 62 myńnan astam material jariialadyq», - dedi spiker.
Sońǵy júrgizilgen áleýmettik zertteýler qorytyndysy boiynsha, halyqtyń 87,6%-y din salasynda júrgizilip otyrǵan memlekettik saiasatty qoldaǵan.
