Qazaqstanda immigranttardyń elge kirý jáne shyǵý tártibine ózgerister engizildi, dep habarlaidy "Ult aqparat".
Atap aitqanda «Kóship kelýshilerdiń Qazaqstanǵa kelýiniń jáne onda bolýynyń, sondai-aq olardyń Qazaqstan aýmaǵynan ketýiniń qaǵidalarynyń 26-1-tarmaǵynyń qoldanylýyn toqtata turý týraly» Úkimet qaýlysyna ózgeris engizilip otyr.
««QR Úkimetiniń 2012 jylǵy 21 qańtardaǵy № 148 qaýlysymen bekitilgen kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń 26-1-tarmaǵynyń qoldanylýyn toqtata turý týraly» QR Úkimetiniń 2020 jylǵy 27 qańtardaǵy № 10 qaýlysyna mynadai ózgeris engizilsin: Qazaqstan Respýblikasyna kelýdiń, bolýdyń jáne odan ketýdiń jetpis eki saǵattyq vizasyz rejiminiń qoldanylýy bóliginde Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen bekitilgen kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń 26-1-tarmaǵynyń qoldanylýy 2020 jylǵy 1 shildege deiin toqtatyla tursyn», - dep jazylǵan Úkimet qaýlysynda.
Osy qaýly qol qoiylǵan kúninen bastap qoldanysqa engizilip, resmi túrde jariialandy.
