Búgin QR Premer-Ministriniń orynbasary Eraly Toǵjanovtyń tóraǵalyǵymen densaýlyq saqtaý ministrliginiń alqa otyrysy ótti, dep habarlaidy QazAqparat.
Memleket basshysynyń 2021 jylǵy 1 qyrkúiektegi Qazaqstan halqyna Joldaýynyń negizgi erejeleri, QR Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyn iske asyrý jáne 2021-2025 jyldarǵa arnalǵan «Deni saý ult» ulttyq jobasyn qalyptastyrý tásilderi, meditsina qyzmetkerleriniń kásibi jaýapkershiligin saqtandyrý, sanitariialyq-epidemiologiialyq qyzmetti jetildirý jáne QR biologiialyq qaýipsizdigin qamtamasyz etý, mindetti áleýmettik meditsinalyq saqtandyrýdy iske asyrý jáne meditsinalyq uiymdarǵa dárilik zattar men meditsinalyq buiymdardy jetkizý máseleleri talqylandy.
Densaýlyq saqtaý ministri Aleksei Tsoi atap ótkendei, eldiń densaýlyq saqtaý júiesi KVI pandemiiasyna bailanysty týyndaǵan syn-qaterlerge ekinshi jyl qarsy turýda.
Qabyldanǵan sharalar eldegi epidemiologiialyq jaǵdaidy saqtaýǵa múmkindik beredi. Respýblikada halyqty KVI-ǵa qarsy vaktsinatsiia uiymdastyrý jáne júrgizý boiynsha jumys jalǵasyp jatyr.
Densaýlyq saqtaý júiesiniń barlyq resýrstary jumyldyryldy.
«Epidemiiaǵa qarsy is-sharalarǵa 49 705 meditsina qyzmetkeri, rezervke 9 100 meditsina qyzmetkeri jumyldyryldy. Suranysqa ie mamandyqtar boiynsha biliktilikti arttyrý 11 myń 800 mamanmen qamtamasyz etildi. Óńirlerge 4 641 jas maman bólindi. 247 myń meditsina qyzmetkeriniń jalaqysy: dárigerlerge 30%-ǵa, orta meditsina qyzmetkerlerine 20%-ǵa ósti. Halyqqa meditsinalyq qyzmet kórsetýdi jaqyndatý úshin mobildi meditsina belsendi túrde engizilýde. 2021 jyldyń sońyna deiin jyljymaly meditsinalyq keshenderdiń kúshimen 2,6 mln adamdy qamtý josparlanyp otyr», - dedi A. Tsoi.
Elektrondyq densaýlyq saqtaýdy damytý sheńberinde birqatar sheshimder iske asyryldy.
Sonyń arqasynda qan alýdy resimdeý ýaqyty 2,5 ese, ýchaskelik dárigerge jáne tar mamandarǵa jazylý – 5 ese, zerthanalyq jáne diagnostikalyq zertteýlerge joldamalar taǵaiyndaý – 3,5 ese, úige shaqyrýlarǵa qyzmet kórsetýdi resimdeý jáne zerthanalyq zertteýler nátijelerin alý – 5 ese qysqardy.
Jasalǵan jaǵdaiǵa qaramastan, kúrdeli epidemiologiialyq ahýal jáne eldiń densaýlyq saqtaý júiesi tap bolatyn syn-tegeýrinderge jańa sheshimderdi talap etedi.
Memleket basshysy 2021 jylǵy 1 qyrkúiektegi Qazaqstan halqyna Joldaýynda Dúniejúzilik densaýlyq saqtaý uiymy tirkegen vaktsinalardy satyp alýdy jedeldetý qajettigin atap ótti.
Sondai-aq bioqaýipsizdikti boljaýdyń ulttyq júiesin qurýǵa, sanitarlyq-epidemiologiialyq saraptama zerthanalaryn halyqaralyq standarttarǵa sáikes keletin joǵary tehnologiialyq jabdyqpen qamtamasyz etýge, 137 tirek eldi mekende feldsherlik-akýsherlik jáne meditsinalyq pýnktter men dárigerlik ambýlatoriialardy damytýǵa baǵyttalǵan birqatar basqa da tapsyrmalar berdi.
«Qazaqstan Respýblikasy Prezidentiniń 2021 jylǵy 1 qyrkúiektegi» Halyq birligi jáne júieli reformalar – eldiń órkendeýiniń berik negizi« atty Qazaqstan halqyna Joldaýynda bergen barlyq tapsyrmalaryn densaýlyq saqtaý ministrligi kórsetilgen merzimde iske asyratyn bolady», - dedi ministr.
