QR Bas memlekettik sanitarlyq dárigeri Aijan Esmaǵambetova Qazaqstanda ókpe qabynýymen qansha adamnyń emdelip jatqanyn baiandady, dep habarlaidy "Ult aqparat".
«Sońǵy 20 kúnde 63 491 adam tirkeldi. Qazirgi ýaqytta 45 myń naýqas aýrýhanada em alyp jatyr», - dep jaýap berdi bas sanitar Ortalyq kommýnikatsiialar qyzmetinde tilshi suraǵyna.
Buǵan deiin spiker eki aptalyq karantinde syrqattar ósiminiń bolmaǵanyn málimdegen edi.
«23 shildede respýblika boiynsha koronavirýs infektsiiasynyń 76 799 jaǵdaiy tirkelgen. Onyń ishinde 48 202 naýqas nemese naýqastardyń 63 paiyzy emdelip shyqty. Syrqattaný táýligine 1 600-1 700 jaǵdai deńgeiinde turaqtandy. 5 shildede qatań shekteý sharalary engizilgen sátten bastap eki aptada respýblikada koronavirýstyń 21 532 jaǵdaiy tirkeldi. Aldyńǵy eki aptamen salystyrǵanda syrqattaný bir deńgeide qalyp otyr», - dedi A. Esmaǵambetova.
