CC0 / Esi Grünhagen /
Búginde respýblika boiynsha birden alty jasqa deiingi 250 myńnan astam búldirshin balabaqsha kezegin kútip júr. Bul týraly Oqý-aǵartý ministrligi mektepke deiingi bilim departamentiniń direktory Natalia Jumadildaeva málimdedi, dep habarlaidy Sputnik Qazaqstan saity.
Onyń aitýynsha, tórt jyl ishinde balabaqsha kezegi 2 ese qysqarǵan. 2-6 jastaǵy balalardy qamtý 89,4%-dy, al 3-6 jastaǵylardy qamtý kórsetkishi 98,3%-dy quraǵan.
"Dese de balabaqshalarǵa kezek áli de bar. 2022 jyldyń sońynda respýblika boiynsha 1-6 jastaǵy 250 myńnan astam bala kezekte tur", - dedi Jumadildaeva ortalyq kommýnikatsiialar qyzmetinde ótken baspasóz máslihatynda.
Aitýynsha, aldaǵy úsh jylda 222 myńnan astam jańa oryn ashý josparlanyp otyr. Bul 2028 jylǵa qarai 2-6 jastaǵy barlyq búldirshindi mektepke deiingi bilimmen 100 paiyz qamtýǵa múmkindik bermek.
Búldirshinderdi balabaqshamen qamtýdy arttyrý jáne jeke investorlardy tartý úshin jekemenshik balabaqshalardyń 93,4 paiyzynda memlekettik tapsyrys ornalastyrylǵan.
