Qazaqstan esirtkige táýeldi adamdardy esepke qoiý olardyń kelisimimen júrgiziledi. Osy erikti sharany májbúrli sharaǵa aýystyrý máselesi qaralyp jatyr ma? Ishki ister ministrliginiń aqparat alańynda ótken onlain brifingide BAQ ókilderi osyndai suraq qoidy, dep habarlaidy QazAqparat.
Bul suraqqa QR Ishki ister ministrligi Esirtki qylmysyna qarsy is-qimyl departamentiniń basqarma bastyǵy Berikhan Nurǵaliev jaýap berdi.
«Esirtkige táýeldi adamdardy esepke alý boiynsha aitsaq, Quqyqtyq statistika komitetiniń resmi derekteri boiynsha, qazir 18 myńǵa jýyq esirtkige táýeldi naýqas esepte tur. Onyń 1,5 myńy – áielder, 62 –si jasóspirim. Narkologiialyq esepke alý tártibin ózgertý máselsi Densaýlyq saqtaý ministrliginiń quzyryndaǵy másele», - dedi basqarma bastyǵy.
Atalmysh sharada ol saqshylardyń jyl basynan beri esirtki saýdasymen shuǵyldanǵan 7 qylmystyq toptyń jolyn keskenin aitty.
«Osy jyldyń 9 aiynda 1929 esirtki qylmysy anyqtaldy. Onyń ishinde 1136 esirtki ótkizý faktisi jáne 326 esirtkini asa iri kólemde saqtaý faktisi bar.
Uiymdasqan 7 qylmystyq toptyń joly kesildi. Olardyń ústinen toptardyy qurdy jáne basqardy degen kúdikpen 13 qylmystyq is qozǵaldy.
12 tonnadan astam ár-túrli esirtki quraldary alyndy, onyń ishinde
