sýret ashyq derekkózden alyndy
Qazaqstanda 221 884 adam balalaryna jalpy somasy 18 milliard teńgege jýyq aliment tólemegen, - dep habarlaidy Tengrinews.kz saity.
Qazaqstan áleýmettik damý institýtynyń Otbasy institýtyn zertteý ortalyǵy aliment boiynsha boryshkerlerdiń jalpy sany 221 884 adamdy quraitynyn, onyń ishinde kámeletke tolmaǵan balalaryn asyraýǵa aliment tóleýshiler 215 587 adam ekenin málimdedi.
"Onyń ishinde bereshekti anyqtaý týraly qaýly shyǵarylǵan atqarý óndiristeriniń sany 28 814 bolsa, olar boiynsha bereshek - 17 milliardd 455 million teńge", - delingen habarlamada.
Neke buzylǵan nemese qarym-qatynas úzilgen jaǵdaida seriktester aliment mólsherin jáne ony tóleý tártibin jasalǵan zańdy kelisimder - neke sharty nemese mediatsiia kelisimi aiasynda kelise alatynyn institýt basa aitty.
"Eger taraptar kelisimge kelmese, onda zań boiynsha bir balaǵa ata-anasynyń tabysynan nemese ózge tabysynan 25 paiyz nemese tórtten biri, eki balaǵa - shamamen 33,3 paiyzy nemese tabysy úshten biri, úsh jáne odan da kóp balaǵa - 50 paiyz", - delingen habarlamada.
