16 myńnan astam sheteldik azamat Qazaqstanda jumys istep júr, dep habarlaidy "Ult aqparat" Eńbek ministrliginiń baspasóz qyzmetine silteme jasap.
Ministrliktiń baspasóz qyzmetiniń habarlaýynsha, 2020 jyldyń 1 qyrkúiegindegi jaǵdai boiynsha Qazaqstanda sheteldik jumys kúshin tartýǵa 16 myń 378 ruqsat bar. Shetelden tartyrǵan jumys kúshin tartý ruqsaty 637-si birinshi sanatqa (basshylar men olardyń orynbasarlary), 3481-i ekinshi sanatqa (qurylymdyq bólimshelerdiń basshylary) berilgen. Shetelden maman tartýǵa arnalǵan ruqsattardyń basym bóligi úshinshi (mamandar) jáne tórtinshi (bilikti jumysshylar) sanattarǵa qatysty bolyp otyr - tiisinshe 7617 adam jáne 1153 adam. Sondai-aq, maýsymdyq jumystarǵa - 1792, korporativishilik aýystyrý sheńberinde 1698 adam tartylǵan.
Qazirgi ýaqytta Qazaqstanda shet elden jumys kúshin tartatyn 1803 jumys berýshi bar. Olarda 454 379 myńǵa jýyq Qazaqstan azamaty jumys isteidi, bul jalpy jumysshylar sanynyń 96%-yn quraidy.
Eńbek migranttarynyń negizgi shyqqan elderi: Qytai - 3579 adam, Ózbekstan - 1774, Túrkiia - 1 661, Úndistan – 1266 jáne Ulybritaniia - 1081.
Aita ketsek, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa kvota belgileidi.
