Foto: Drive2.ru
Áleýmettik jelilerde túngi ýaqytta ruqsat etilgen jyldamdyq 66 km/saǵatqa deiin kóbeiedi degen habarlama tarap jatyr. QR Ishki ister ministrligi bul aqparattyń shyndyqqa janaspaitynyn resmi túrde málimdedi, dep habarlaidy Ult.kz.
Vedomstvonyń túsindirýinshe, eldi mekenderde jeńil avtokólikter úshin bekitilgen standartty jyldamdyq burynǵysynsha ózgerissiz — 60 km/saǵat. Jol qozǵalysyn baqylaý kameralary jyldamdyq 70 km/saǵattan asqan kezde ǵana tirkei bastaidy.
IIM azamattardy tekserilmegen málimetterge senbeýge, tek resmi derekkózderge júginýge shaqyrdy. Sondai-aq jol júrisi qaǵidalaryn qatań saqtap, qozǵalys kezinde barynsha muqiiat bolý qajettigin eskertti.
