2021 jylǵy 31 tamyzda Qazaqstan Respýblikasy aýmaǵynda koronavirýs infektsiianyń paida bolýy men taralýyna jol bermeý jónindegi vedomstvoaralyq komissiianyń (budan ári - Vedomstvoaralyq komissiia) kezekti otyrysyna Qazaqstan men Túrkiia arasyndaǵy reisterdi ulǵaitý máselesi shyǵaryldy.
Bul týraly Indýstriia jáne infraqurylymdyq damý ministrliginiń Telegram kanalynda habarlandy.
Osylaisha, 2021 jyldyń qyrkúiek aiynyń ortasynan bastap Air Astana jáne Turkish Airlines áýe kompaniialary (Air Astana - 17 qyrkúiekten, Turkish Airlines - 25 qyrkúiekten) Almaty – Ystanbul baǵytyndaǵy reister sanyn 2-den 3 reiske deiin arttyrýdy josparlap otyr.
Sondai-aq, 2021 jylǵy 22 qyrkúiekten bastap SCAT áýe kompaniiasy Aqtóbe - Ystanbul baǵytynda aptasyna 2 reispen usha bastaidy.
Túrkiiamen aradaǵy reister sanyn ári qarai arttyrý epidemiologiialyq jaǵdaiǵa, Vedomstvoaralyq komissiianyń jáne Túrkiianyń tiisti memlekettik organdarynyń sheshimderine bailanysty bolady.
«Reister sanitarlyq-epidemiologiialyq talaptardy qatań saqtai otyryp jáne áýe kompaniialarynyń saitynda jariialanǵan kestege sáikes oryndalady», - delingen habarlamada.
