Foto: primeminister.kz
Qazaqstan joiqyn jer silkinisinen zardap shekken Túrkiiaǵa 55 tonna gýmanitarlyq kómek jiberedi, - dep habarlaidy "Ult aqparat" primeminister.kz saityna silteme jasap.
"Memleket basshysy Qasym-Jomart Toqaevtyń tapsyrmasyna sáikes, Qazaqstan Respýblikasy Túrkiia Respýblikasyna qosymsha gýmanitarlyq kómek kórsetedi. Bul másele QR Premer-Ministriniń birinshi orynbasary Roman Skliardiń tóraǵalyǵymen ótken Úkimettik komissiianyń otyrysynda talqylandy.
Gýmanitarlyq kómekte jalpy salmaǵy shamamen 55 tonna bolatyn kiim-keshek (jyly kúrtesheler men shalbarlar), qysqy shatyrlar, metall kereýetter, tósek-oryn jabdyqtary jáne basqa da kúndelikti qoldanysqa qajetti zattar bar" - delingen habarlamada.
Júkter áýe kóligimen Túrkiianyń Gaziantep qalasyna jóneltiledi.
