«Qazaqstan» teleradiokorporatsiiasy qyrǵyzstandyq áriptesterimen birlesip, Shyńǵys Aitmatov týraly derekti film túsirýde. Bul týraly búgin XVII Eýraziia mediaforýmynda teleradiokoroporatsiianyń basqarma tóraǵasy Lázzat Tanysbai aitty, dep habarlaidy QazAqparat.
«Qazaqstan» teleradiokorporatsiiasy elimizdegi eń iri mediakompaniia retinde baýyrlas elderdiń telearnalarmen tyǵyz bailanys ornatýda. Ózbekstannyń Mening Yurtim, Yoshlar telearnalarymen, Túrkiianyń TRT AVAZ, TRT telearnasymen, Ázirbaijannyń AZ TV arnalarymen kontent almasýdy turaqty júrgizip keledi. Ortaq mádenietimiz kórinis tabatyn kóptegen derekti filmder, tarihi serialdar, jobalar Túrkiia, Ózbekstan, Ázirbaijan arnalarynda kórsetilip otyr. Telearnalarymyz ben radiolarymyzda «Túrki álemi» atty uzaq jyldyq tsikldyq habarlar júrip jatyr», - dedi Lázzat Tanysbai «Túrkitildes elderdiń buqaralyq aqparat quraldary» atty dóńgelek ústelde.
Bir jyl buryn pandemiia kezinde «Qazaqstan» korporatsiiasy mádeni-rýhani baǵyttaǵy Abai TV telearnasyn ashty.
Sonda baýyrlas, túrkitildes, kórshiles elderdiń tarihyna, mádenietine qatysty ónim almasý maqsatynda barlyq memleket ókilderine suranyshat joldanǵan.
«Sonyń nátijesinde Abai TV efirinen túrkiialyq áriptesterimiz daiyndaǵan birneshe derekti film kórsetilip jatyr. Biz olardy dýbliajdap, óz tilimizde kórermenge usynamyz jáne ózge elderdiń de ónimderin qazaq tiline aýdaryp, efirden berýge daiyn ekenimizdi jetkizgimiz keledi. Teleindýstriia óte qarqyndy damyp jatqan qazirgi kezde tek kontent almasyp qana qoimai, tájiribe almasqanymyz da óte mańyzdy dep esepteimiz. Mysaly bizdiń korporatsiia mamandary Túrkiianyń ozyq telearnalaryna jii baryp turady, jaqynda ǵana kórshiles Qyrǵyzstannyń telearnalarynyń basshylary, áriptesterimiz kelip pikir almasty, stýdiialarymyzdy kórdi, ortaq memorandýmǵa qol qoidyq. Nátijesinde qyrǵyz tarapymen birlesip, uly jazýshy Shyńǵys Aimatovqa arnalǵan derekti film túsirip jatyrmyz», - dedi korporatsiia basshysy.
Qyrǵyz-qazaq birlesken derekti filmi eki el arasyndaǵy tarihi dostyq qarym-qatynasty nasihatatýdy kózdeidi.
Leitmotiv retinde Shyńǵys Aitmatovtyń shyǵarmashylyǵy alynǵan. Onyń eki el arasyndaǵy bailanysty nyǵaitý jolynda atqarǵan eńbekteri baiandalady.
Túsirý toby Sh.Aitmatovtyń aýyly Shekerde bolyp, ondaǵy Aitmatovtyń shyǵarmalaryna arqaý bolǵan derekti oryndardy túsirip qaitqan.
Sonymen birge L.Tanysbai Balapan balalar telearnasy qyrǵyz animatorlarymen birlesip, ǵarysh salasy týraly animatsiialyq joba túsirilimine daiyndyq bastaǵanyn atap ótti.
«Qazirgi ýaqytta Qazaqstan bul sala boiynsha birqatar tabystarǵa qol jetkizdi, ónimderimiz syrtqy naryqqa shyǵaryla bastady. Eldegi balalarǵa arnalǵan jalǵyz ǵana Balapan telearnasy animatsiia óndirisiniń damýyna erekshe serpin berip otyr. Jylyna 250-300 bólimdi quraityn 20-25 animatsiialyq týyndy shyǵaryp otyrmyz. Túrkitildes elderdi birtutas túrki tarihyn kórsetetin animatsiialyq jobalar óndirisine atsalysýǵa shaqyramyz», - dedi basqarma tóraǵasy.
