Qazaqstan stýdentteri oqý aqysyn tóleý úshin negizgi qaryzdy 10 jylǵa deiingi merzimge keiinge qaldyrý arqyly kepilsiz nesie ala alady, dep habarlaidy QazAqparat QR Bilim jáne ǵylym ministrliginiń «Qarjy ortalyǵy» AQ baspasóz qyzmetine silteme jasap.
Nesieler boiynsha kepil retinde QR BǴM «Qarjy ortalyǵy» AQ kepildigi áreket etedi.
Qarjy ortalyǵy baspasóz qyzmetiniń habarlaýynsha, nesie boiynsha jeńildik kezeńine oqý merzimi jáne negizgi oqý kýrsy aiaqtalǵannan keiin alty ai kiredi. Bul kezeńde tek paiyzdyq mólsherleme tólenedi. Sodan keiin negizgi qaryzdy tóleý merzimi bastalady.
Nesie kepilsiz jáne syiaqy mólsherlemesi - 20%.
Qazaqstannyń barlyq aimaqtarynda jáne elimizdiń barlyq joǵary oqý oryndarynda oqý úshin maqsatty nesie alý múmkindigi bar.
Nesie alýshy kelesi qujattardy usynýy kerek:
- jeke kýálik / pasport;
- UBT/KTA sertifikaty nemese sońǵy sessiianyń transkripti;
- oqý merziminiń quny kórsetilgen JOO-men kelisim nemese tólemge shot.
Qatysýshylardyń sharttary men bankteri týraly tolyq aqparatty 8 800 080 28 28 telefony arqyly alýǵa bolady.
