Qazaqstanda ishki aviareister tolyǵymen qalpyna keltirildi. Al shet memleketterge aptasyna 63 baǵytta 247 reis oryndaidy. Bul týraly QR Indýstriia jáne infraqurylymdyq damý ministrliginen málim etti, dep habarlaidy QazAqparat.
Jyl basynan beri salada byltyrmen salystyrǵanda kórsetkishter birshama artqan.
«2021 jyldyń toǵyz aiynda tasymaldanǵan jolaýshylar sany 81% artyp, 6,9 mln adamǵa jetti. Áýejailarda qyzmet kórsetilgen jolaýshylar sany 70% artyp, 12,6 mln adam (2020 jyldyń 9 aiynda – 7,4 mln adam, 2019 jyldyń 9 aiynda - 12,3 mln adam) boldy.
Búgingi tańda ishki reister tolyqtai qalpyna keltirildi (aptasyna 57 baǵytta 744 reis). Sondai-aq 23 memleketpen (Túrkiia, Koreia, BAÁ, Belarýs, Ýkraina, Germaniia, Ózbekstan, Qyrǵyzstan, Mysyr, Resei, Grýziia, Tájikstan, Polsha, Niderland, Chernogoriia, Armeniia, Ulybritaniia, Vengriia, Maldiv, Ázerbaijan, Katar, Shri-Lanka, Tailand) aradaǵy halyqaralyq reister (aptasyna 63 baǵytta 247 reis) qaita ashyldy», - delingen taratylǵan málimette.
Aqparatqa sáikes, ortasha eseppen alǵanda ishki baǵyttarda kúnine 106 reis, halyqaralyq baǵyttar boiynsha 35 reis oryndalady.
