Memleket basshysy Qasym-Jomart Toqaev estrada ánshisi Roza Rymbaevaǵa onlain-kontsert úshin alǵys bildirdi, dep habarlaidy "Ult aqparat".
«Jeztańdai ánshi, Eńbek Eri Roza Rymbaevanyń onlain kontserti – halyqtyń rýhyn kóteretin naǵyz óner týyndysy. Álem elderine úlgi bolarlyq dúnie. Rozaǵa jáne barsha mádeniet qairatkerlerine halyqpen birge bolyp, shyǵarmashylyǵymen qoldaý kórsetkenderi úshin alǵys aitamyn. #Birgemiz», - dep jazdy Prezident Twitter-degi paraqshasynda.
Aita keteiik, QR Mádeniet jáne sport ministrligi eldegi tótenshe jaǵdai kezeńinde birneshe onlain-jobany júzege asyrýda. Olardyń arasynda óner súier qaýymǵa arnalǵan «Karantindegi juldyz» jobasy bar.
Kúnde keshke YouTube-arnasynyń tikelei efirinde tanymal qazaqstandyq juldyzdardyń kontserti ótedi. Ózderiniń onlain-kontsertterin buǵan deiin Jubanysh Jeksenuly, Jeńis Seidollauly, Ǵadilbek Janai bergen bolatyn. 26 naýryz kúni keshke qazaqstandyqtardy óz ánderimen Roza Rymbaeva qýantty.
Aita keteiik, joba Mádeniet jáne sport ministrligi men «Qazaqtelekom» AQ qoldaýymen júzege asyrylýda.
