Prezident Qasym-Jomart Toqaev dárigerlerge jalaqy men syiaqyny ýaqtyly tóleýdi tapsyrdy, dep habarlaidy "Ult aqparat".
«Dárigerler, medbikeler qazir óte jaqsy jumys istep jatyr. Jumystary aýyr. Túsinemiz. Olarǵa taǵy da alǵysymdy aitqym keledi. Olarǵa tolyǵymen jalaqylary men syiaqylaryn ýaqtyly tóleý kerek», - dep tapsyrdy Prezident Úkimet múshelerimen elordadaǵy blok-beketterdi aralaý kezinde.
Aita ketsek, búgin Prezident Úkimet múshelerimen birge elordadaǵy blok-beketterdi aralap shyqty. QR Prezidenti Teleradiokesheni jariialaǵan videoda Memleket basshysyna Nur-Sultan qalasynyń ákimi Altai Kólginovtyń baiandama jasap jatqanyn kórýge bolady. Qazirgi ýaqytqa deiin Altai Kólginov qalaǵa 3600-den astam avtokólik kirgenin jetkizdi.
