Qazaqstan 19 jeltoqsan kúni Frantsiia astanasynda ótetin Junior Eurovision 2021 konkýrsyna qatysady, dep habarlaidy QazAqparat.
Bul týraly «Habar» telearnasynyń direktory Dinara Bisembina ortalyq kommýnikatsiialar qyzmetinde ótken brifingte aitty.
«Qazaqstan Junior Eurovision-ǵa qatysýǵa taǵy da múmkindik aldy. Biyl baiqaýdyń finaly 19 jeltoqsanda Parij qalasynda ótedi jáne «Habar» arnasynyń efirinde transliatsiialanady. «Habar» agenttigi óz tarapynan 2016 jyly Eýropalyq habar taratý odaǵynyń (EVU) qaýymdasqan múshesi atandy jáne osynyń arqasynda elimiz tórtinshi ret halyqaralyq tanymal baiqaýǵa qatysý múmkindigin aldy», - deidi telearna basshysy.
Onyń aitýynsha, búgin Balalar Evrovideniesiniń Qazaqstandaǵy ulttyq irikteýine qatysý úshin ótinim qabyldaý bastaldy.
Irikteýge qatysý úshin Qazaqstannyń barlyq óńirinen 9-14 jas aralyǵyndaǵy balalar baq synai alady.
Aita keteiik, biylǵy 19-shy Junior Eurovision Song Contest balalar án baiqaýyna 19 el qatysady.
Olar: Albaniia, Armeniia, Ázerbaijan, Bolgariia, Frantsiia, Grýziia, Germaniia, Irlandiia, Italiia, Qazaqstan, Malta, Niderlandy, Soltústik Makedoniia, Polsha, Portýgaliia, Resei, Serbiia, Ispaniia jáne Ýkraina.
Qazaqstan saiysqa alǵash ret 2018 jyly qatysty. Ol kezde baiqaýǵa Daneliia Tóleshova «Ózińe sen» ánimen qatysyp, altynshy orynǵa ie bolǵan edi.
2019 jyly Erjan Maksim «Armanyńnan qalma» ánimen ekinshi oryn aldy.
2020 jyly pandemiia saldarynan baiqaýt onlain formatta ótti.
Ótken jyldyń grand finalynda «Forever» ánin oryndaǵan Qaraqat Bashanova on úsh qatysýshynyń ishinde ekinshi orynǵa ie boldy.
