II Dúniejúzilik soǵys kezinde Otandy qorǵaýǵa attanǵan kóptegen qazaqstandyqtar elge oralmady. Araǵa kóp jyldar salyp Jeńistiń 80 jyldyq mereitoiy qarsańynda elimiz Reseimen birlesip soǵys kezinde is-tússiz joǵalyp ketken maidanǵa attanǵan adamdardy izdep, tabý jumysyn qolǵa alyp jatyr, dep habarlaidy QazAqparat.
Osy oraida eki el qalai birlespe jáne kórshi elde adamdardy izdeý jumysy qalai júrip jatqany týraly «Reseidiń izdeý qozǵalysy» (Poiskovogo dvijeniia Rossii) qoǵamdyq qozǵalysynyń jetekshisi Elena Tsýnaeva aityp berdi.
«Ekijaqty yntymaqtastyqtyń negizi áride jatyr. Qazaqstanǵa kelgende dosymyzdyń úiine barǵan sekildimiz. Qazaqstanda joǵalǵan adamdardy izdeý qyzmeti alǵan qoiylǵan jáne ol «Reseidiń izdeý qozǵalysy» (Poiskovogo dvijeniia Rossii) úshin de mańyzdy. Kóptegen qazaqstandyqtar ortaq Otanymyzdy qorǵaý jolynda mert boldy. Soǵys kezinde iz-tússiz ketkenderdi izdep, eske alý men olardyń artqa qalǵan týystaryn tabýdy uiymdastyrýda Resei men Qazaqstanǵa yntymaqtastyq qajet-aq», - dedi Elena Tsýnaeva.
Onyń aitýynsha, atalǵan elde 2013 jyly «Reseidiń izdeý qozǵalysy» (Poiskovogo dvijeniia Rossii) atty qoǵamdyq qozǵalys qurylǵan. Ol búginde dalalyq jáne arhivtik izdeý qyzmeti salasyndaǵy aýqymdy uiym bolyp otyr.
Sondai-aq, spikerdiń málimetinshe, atalǵan qozǵalystyń Resei boiynsha 1500 bólimshesi bar jáne onda ártúrli jastaǵy 45 myń adam izdeý jumysymen ainalysady. Sol siiaqty Reseidiń izdeý qozǵalysy qurylǵan 8 jyldyń ishinde 180 myń ásker denesin taýyp qaita jerlese, odan bólek 25 myń habarsyz áskerdiń aty-jónin anyqtalǵan.
«Men 13 jasymda izdeý jasaǵy quramyna qabyldandym. Alǵashqy ekspeditsiia 1989 jyly Keńes Odaǵynda ótti. Osy ýaqyt aralyǵynda izdeý qyzmetiniń jumysy aitarlyq ózgerdi. Aitar bolsam, Reseide otandy qorǵaý kezinde qaza tapqandardy eske alý týraly arnaiy zań qabyldandy. Bul joǵalǵan adamdardy izdeýshilerdiń eńbegin memlekettik deńgeige kóterdi. Biz izdeý jumystaryn memlekettik bilik organdarymen birlesip atqaramyz. Jáne biz adam izdeýden de basqa baǵyttar boiynsha jumys isteimiz», - deidi ol.
Sonymen qatar, reseilik qoǵamdyq qozǵalys jetekshisi soǵys kezindegi habarsyz ketken adamdardy izdeýde Qazaqstan men Reseidiń óskeleń urpaǵy jeńistiń ortaq ekenin uǵynýy mańyzdy ekenin eske saldy.
«Búgingi jinalýdaǵy birinshi mindet - sóilesý, qandai zertteý jumysy júrip jatyr jáne qandai baǵyt boiynsha birlesýimiz kerek ekenin anyqtap, ózara aqparat almasý. Ekinshi mindet -jumys josparlaryn belgileý. Biz qazaqstandyq izdeýshiler jáne ǵalymdarmen birlesip jumys isteimiz. Sonyń aiasynda Qazaqstanda joǵalǵan adamdarǵa qatysty ekspeditsiia uiymdastyrý jospary da bar», - dedi E. Tsýnaeva óz sózinde.
Buǵan deiin QR Qorǵanys vitse-ministri Timýr Dandybaev II Dúniejúzilik soǵysta habar-osharsyz ketken 7 otandasymyzdyń máiiti tabylǵanyn aitty.
Onyń málimdeýinshe, joǵalǵandardyń aty-jónderi anyqtalyp, elge jetkizilgen.
Odan bólek, ministr orynbasary Germaniiadaǵy kontslagerlerde qaza bolǵan 927 otandasymyzdyń tizimi tabylǵanyn jáne búginde olardyń týystaryn izdestirý jumysy júrip jatqanyn málim etti.
Aita keteiik, búgin elordada Uly Otan soǵysynyń 80 jyldyǵyna arnalǵan «Álemdi qorǵaǵandardy este saqtaý, aqiqatty jetkizý» atty halyqaralyq konferentsiia ótip jatyr.
Shara «Atamnyn Amanaty» qoǵamdyq birlestgi «Reseidiń izdeý qozǵalysy» jalpyreseilik qoǵamdyq qozǵalysymen birlesip, Prezidenttik granttar qorynyń qoldaýymen uiymdastyrylyp otyr.
