Keshe Nur-Sultanda Litvanyń azamattyq aviatsiia basshylyǵy men QR IIDM Azamattyq aviatsiia komitetiniń konsýltatsiialyq kezdesýi ótip, Nur-Sultan – Vilniýs jáne Almaty – Vilniýs turaqty áýe baǵyttaryn ashý, oǵan Vengriianyń "Wizz Air" áýe kompaniiasyn operator etip taǵaiyndaý máselesi qaraldy. Reisterdi 2022 jyldyń 1 toqsanynda ashý josparlanyp otyr, dep habarlaidy vedomstvonyń baspasóz qyzmeti.
QR IIDM Azamattyq aviatsiia komiteti tóraǵasynyń orynbasary Saltanat Tompieva jáne Litvanyń Kólik jáne kommýnikatsiia ministrligi Jol jáne aviatsiialyq kólik saiasaty tobynyń jetekshisi Vladislav Kondratovich áýe tasymaldary salasyndaǵy yntymaqtastyq máselelerin talqylap, turaqty reisterdi ashý nieti kórsetilgen hattamamen almasty.
Bul másele boiynsha túpkilikti sheshim eki eldiń koronavirýstyq infektsiiasynyń paida bolýy men taralýyna jol bermeý jónindegi vedomstvoaralyq komissiialary ushýǵa ruqsat bergennen keiin qabyldanady.
