Áleýmettik jelide Qazaqstan mektepterinde onlain oqytý toqtatylyp, bilim berýdiń jańa tetikteri qolǵa alynatyndyǵy týraly aqparat taraýda. Osyǵan orai QR Bilim jáne ǵylym ministrligi túsinikteme berdi, dep habarlaidy "Ult aqparat".
«Karantindik shekteýler kezinde mektepterdiń jumysyna qatysty sheshimdi tek sanitar dárigerler qabyldai alady. Onlain oqý men qashyqtan oqý - eki túrli format ekenin eskerýlerińizdi suraimyn. Qazirgi epidemiologiialyq jaǵdaiǵa bailanysty oqýshylar negizinen qashyqtan oqyp jatyr. Jańa oqý jylynda ministrlik tarapynan mundai másele aitylǵan joq. Árine, bilim salasyna jaýap beretin ministrlik retinde balalardyń tezirek mektep qabyrǵalaryna oralǵanyn qalaimyz. Degenmen, barlyǵymyz Densaýlyq saqtaý ministrliginiń talaptaryn oryndaýǵa mindettimiz», - dedi QR Bilim jáne ǵylym ministrliginiń baspasóz hatshysy Gaýhar Omarbek.
