«Álippe» jáne «Býkvar» oqýlyqtary Qazaqstan mektepterine qaita oralyp jatyr. Búgin Bilim jáne ǵylym ministri Ashat Aimaǵambetov apparat jinalysynda oqýlyqtardy tanystyrdy, dep habarlaidy "Ult aqparat".
«Birinshi qyrkúiekte ótetin is-sharada biz alǵash ret mektep tabaldyryǵyn attaǵan oqýshylarǵa saltanatty túrde «Álippe» oqýlyǵyn tabys etýimiz kerek. Bul – igi dástúr. Atalǵan baǵyttaǵy jumysty ýaqytyly uiymdastyrý kajet. «Álippe» – búldirshinderdiń alǵashqy oqýlyǵy. «Álippe» oqýlyǵy ázirlenip, óńirlerge jetkizilip jatyr. Ol ult ustazy Ahmet Baitursynulynyń ádistemesi negizinde jasaldy», – dep atap ótti Bilim jáne ǵylym ministri Ashat Aimaǵambetov.
