Qazaqstan kúrdter qaýymdastyǵynyń basshysy Kniaz Mirzoev dúnieden ótti. Bul týraly Aqparat jáne qoǵamdyq damý ministrliginen málim etti, dep habarlaidy "Ult aqparat".
«Aqparat jáne qoǵamdyq damý ministrligi ǵalym, Qazaqstan halqy Assambleiasy Keńesiniń múshesi, Qazaqstan kúrdter qaýymdastyǵynyń basshysy Kniaz Ibragimuly Mirzoevtyń mezgilsiz qaitys bolýyna bailanysty marqumnyń otbasy men jaqyndarynyń qaiǵysyna ortaqtasyp kóńil aitady», - delingen habarlamada.
Ministrlikten atap ótkendei, Kniaz Mirzoev búkil sanaly ǵumyryn ǵylym men qoǵamǵa arnaǵan. Qazaqstan halqy Assambleiasynyń qyzmetine óz úlesin qosqan belsendi azamattyq ustanymy bar tulǵa bolǵan.
«Marqumnyń jarqyn beinesi, atqarǵan qyzmeti men eńbekteri jaqyndary men áriptesteriniń esinde máńgilik qalady», - dedi vedomstvodan.
