"Astana Arena" stadionynda ótken fýtbol matchynda San-Marinony 4:0 esebimen aiqyn basymdyqpen jeńgen Qazaqstannyń Ulttyq quramasy ÝEFA resmi oiyndaryndaǵy nátijeli rekordyn qaitalady, dep habarlaidy olympic.kz.
Buǵan deiin 2018 jyly 16 qazan kúni bizdiń fýtbolshylar Ulttar ligasy aiasyndaǵy matchta Andorra komandasyn 4:0 esebimen jeńip, osyndai jetistikke qol jetkizgen bolatyn. Nátijesinde, atalmysh eki jeńis qazaqstandyq fýtbol uiymynyń ÝEFA resmi týrnirlerindegi (2002 jyldan bastap) eń úlken jetistigi bolyp tur.
Eń qyzyǵy, osydan 22 jyl buryn, 1997 jyldyń 11 maýsymynda Qazaqstan Ulttyq quramasy sol kezde AFK (Aziia Fýtbol Konfederatsiiasy) Lahordaǵy oiynynda Pákistandy 7:0 eebimen oisyrata jeńip, eń úlken nátijege qol jetkizgen. Dál osy jeńis - áli kúnge deiin bizdiń quramanyń aýyz toltyryp aitatyn eń aýqymdy jetistigi.
Esterińizge sala ketsek, 21 naýryz kúni Qazaqstan quramasy Shotlandiiany 3:0 esebimen jeńip ketken edi.
