Qazaqstan koronavirýs juqtyrý deńgeii boiynsha álemdik reitingte 222 eldiń ishinde 101 orynda tur. Bul týraly QR Densaýlyq saqtaý ministri Aleksei Tsoi Úkimet otyrysynda aitty, dep habarlaidy QazAqparat.
«Álemde 213 milionnan astam koronavirýs infektsiiasynyń jaǵdaiy tirkelip otyr. Táýligine 480 myńnan astam jaǵdai tirkelýde, 4,4 mln adam qaitys boldy. Dúniejúzilik densaýlyq saqtaý uiymynyń 6 óńiriniń ishinde 4 óńirde shildeniń ekinshi onkúndiginen bastap aýrý juqtyrý deńgeii ósip otyr. Sońǵy aptada eń kóp aýrý juqtyrý deńgeii Ázerbaijanda tirkeldi Apta ishinde aýrý juqtyrý deńgeii 63 paiyz ósken. Japoniiada 34 paiyz, Izarilde 39 paiyz ósti. Qazaqstanda bir aptada aýrý juqtyrý deńgeii 7 paiyzǵa tústi», - degen vedomstvo basshysy Qazaqstanda sońǵy aptada aýrý juqtyrý kórsetkishi 7 paiyzǵa tómendegenin atady.
«Álemdik reitingte bir million halyqqa aýrý juqtyrý jáne ólim jaǵdaiy kórsetkishi boiynsha Qazaqstan 222 eldiń ishinde 101 orynda tur», - dedi ministr.
Eske salsaq, Úkimet otyrysynda Premer-ministr Asqar Mamin Koronavirýs infektsiiasynyń taralýyn boldyrmaý jónindegi vedomstvoaralyq komissiiaǵa óńirlerde Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyrdy.
«Vaktsinanyń birinshi komponentin alǵandardyń sany 6,5 mln adamǵa jýyq, al ekinshi komponentin 5 mln-nan astam adam saldyrdy. Vaktsina saldyrý naýqanyn odan ári kúsheitý qajet. Vedomstvoaralyq komissiiaǵa epidemiologiialyq jaǵdai turaqtalyp jatqan óńirlerdegi Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyramyn», - degen Premer-ministr bul jumystaǵy jalpy baqylaýdy orynbasary Eraly Toǵjanovqa tapsyrdy.
