Qazaqstanda COVID-19 pandemiiasymen kúresý úshin Silikon alqabynyń jasandy intellektisi qoldanylady, dep habarlaidy "Ult aqparat" Densaýlyq saqtaý ministrliginiń jelidegi paraqshasyna silteme jasap habarlaidy.
AQSh-tyń San-Frantsisko qalasyndaǵy (Silikon alqaby) QR Bas konsýldyǵynyń bastamasymen, QR Densaýlyq saqtaý ministrliginiń qoldaýymen «Semei meditsinalyq ýniversiteti» men XLabs (AQSh-tyń AT kompaniiasy) arasynda Qazaqstan Respýblikasy aýmaǵynda COVID-19 pandemiiasymen kúresý úshin jasandy intellektini qoldaný jónindegi kelisimge qol qoiyldy.
Jobanyń maqsaty: Big Data jinaý; aýrýdyń taralýy boiynsha derekterdi taldaý; Qazaqstan men basqa elderdiń epidemiologiialyq jaǵdaiy týraly derekterdi taldaý; KVI bar naýqastardy emdeý taktikasyn mashinalyq taldaý; KVI taralýynyń aldyn alý boiynsha qabyldanyp jatqan sharalardy avtomatty-salystyrmaly taldaý; indettiń taralýyn aldyn alýdyń neǵurlym tiimdi ádisterin ázirleý.
Jobaǵa qatysý arqyly Qazaqstan birqatar artyqshylyqtarǵa ie bolady. Birinshiden, pandemiiaǵa qarsy kúrestiń eń ózekti jáne tiimdi sharalary qoljetimdi bolmaq. Ekinshiden, derekterdiń úlken kólemin jinaý jáne taldaý boiynsha halyqaralyq tájirbie jinaqtalady.
Aita ketsek, XLabs kompaniiasy uzaq jyldar boiy meditsinada jasandy intellekt múmkindikterin qoldaný úshin, atalǵan salany damytýmen ainalysyp keledi. Kompaniianyń ónimderi 30-dan astam dertti, onyń ishinde onkologiialyq aýrýlardyń túrlerin sátti diagnostikalai alady.
