Qazaqstan koronavirýsqa qarsy reseilik vaktsinany satyp ala ma? Bul saýalǵa QR DSM Taýarlar men kórsetiletin qyzmetterdiń sapasy men qaýipsizdigin baqylaý komiteti tóraǵasynyń orynbasary Nurlybek Asylbekov jaýap berdi, dep habarlaidy "Ult aqparat".
«Bizdiń taraptan kelissózder júrgizilip, satyp alý múmkindigi týraly kelisimge qol qoiyldy. Biraq, bul tek qana kelisim. Qazirgi ýaqytta klinikalyq synaqtyń úshinshi fazasyn ótkizýdi kútip otyrmyz. Taiaýda ǵana Resei Densaýlyq saqtaý ministrliginiń basshylyǵy qańtarǵa deiin synaqtyń úshinshi fazasyn ótkizetindigin jariia etken bolatyn. Sondyqtan atalǵan klinikalyq synaqtardy ótkizý, janama áserlerin, jas erekshelikterge bailanysty qoldanylýyn eskerý qajet. Sodan keiin vaktsina boiynsha sheshim qabyldanady. Bul máselede qazir biz tańdaý jasaý satysynda turmyz», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, eń bastysy vaktsinany der ýaqytynda alý bolyp otyr.
«Mundai vaktsina alynǵannan keiin elimizde 2 millionnnan astam adam egiledi. Eger durys bolsa, bul sandy 10-15 paiyzǵa arttyrýǵa bolady», - dedi Nurlybek Asylbekov.
Eske salaiyq, tamyz aiynyń sońynda QR Premer-Ministriniń orynbasary Roman Skliar bastaǵan delegatsiia Reseige jumys saparymen baryp, COVID-19-ǵa qarsy RF ǵalymdary ázirlegen vaktsinany satyp alý jáne qoldaný máselelerin talqylady.
