Bul Úkimet otyrysynda QR Densaýlyq saqtaý ministri Aleksei Tsoi koronavirýsqa qarsy qandai vaktsinalar satyp alynatyndyǵyn aitty, dep habarlaidy QazAqparat.
«Qazirdiń ózinde Dúniejúzilik densaýlyq saqtaý uiymynda tirkelgen birqatar vaktsinany satyp alǵanymyzdy atap ótken jón. Olar: Qytaidyń Sinovac kompaniiasy óndirgen CoronaVac, Sinopharm kompaniiasy óndirgen VeroCell vaktsinalary. Buǵan qosa, Pfizer-BioNTech vaktsinasyn jetkizý josparlanyp otyr», - dedi Aleksei Tsoi.
Ministrdiń atap ótýinshe, qazirgi ýaqytta tasymaldaýǵa, jetkizý kestesine jáne kelisimshartqa qol qoiýǵa qatysty máseleler pysyqtalyp jatyr.
«Buǵan qosa, Ulttyq profilaktikalyq ekpe kúntizbesine sáikes, vaktsinamen basqarylatyn aýrýlardan halyqty immýnizatsiialaý boiynsha turaqty jumys júrgizilip jatyr», - dedi ol.
