2021 jylǵy 1 qazandaǵy jaǵdai boiynsha Qazaqstan halqynyń sany 19 million 62,7 myń adamǵa jetti. Jyl basynan beri ósim 183,1 myń adam boldy, - dep habarlaidy "Ult aqparat" Ulttyq statistika biýrosyna silteme jasap.
Halyq eń tyǵyz qonystanǵan óńirler - Almaty oblysy (2,1 million adam), Túrkistan oblysy (2,06 million) jáne Almaty (2,01 million).
Halyq sanynyń ósý qarqyny boiynsha Nur-Sultan (+38 962), Almaty (+35 356) jáne Shymkent (+30 293) kósh bastap tur. 1 qazandaǵy jaǵdai boiynsha astanalyqtar sany 1,18 million adamǵa, almatylyqtar - 1,97 million adamǵa, shymkenttikter - 1,07 million adamǵa jetti. Jyl basynan beri halyq sanynyń ósýi Qazaqstannyń 17 óńiriniń 11-inde baiqaldy.
Halyqtyń qonys aýdarýy - Shyǵys Qazaqstan (-4 856), Qostanai (-4 705) jáne Soltústik Qazaqstan (-4 349) oblystarynda baiqalady. 1 qazandaǵy jaǵdai boiynsha ShQO-da halyq sany 1,36 million, Qostanai oblysynda - 864,5 myń, SQO-da - 543,7 myń adam boldy.
Jyl basynan beri qala halqy 1,37 paiyzǵa, 11 million 303,6 myń adamǵa, aýyl halqy 0,40 paiyzǵa, 7 million 759 myń adamǵa deiin ósti. Qazaqstandaǵy qala halqynyń úlesi - 59,3 paiyz, aýyl halqynyń úlesi - 40,7 paiyz.
