Qazaqstan qaýipsizdiktiń senimdi deńgeii bar elderdiń qataryna kirdi. Bul týraly Májilistegi Úkimet saǵatynda QR Ishki ister ministri Erlan Turǵymbaev aitty, dep habarlaidy QazAqparat.
«Politsiia qyzmetin baǵalaýdyń jańa júiesi engizildi. azamattyń qaýipsizdik deńgeii men halyqtyń senim negizgi ólshemsharty retinde aiqyndaldy. Bul úshin táýelsiz institýttar tarapynan áleýettik zertteýler júrgiziledi», - dedi Erlan Turǵymbaev.
Onyń atap ótýinshe, osy jyldyń birinshi jartyjyldyǵynda júrgizilgen zertteýlerdiń nátijesi azamattardyń 38,7 paiyzy politsiiaǵa tolyqtai senetinin, al 38,1 paiyzy jartylai senetindigin kórsetken.
«Bul málimetter Jahandyq beibitshildik indekspen de sáikes keledi. 2021 jyly Qazaqstan qaýipsizdiksizdiń barynsha senimdi deńgeii bar elderdiń qataryna kirdi. Álemniń 163 eliniń ishinde 67-orynǵa turaqtady», - dedi ministr.
