29 sáýir kúni Qazaqstannan gýmanitarlyq kómek retinde jiberilgen 800 tonna un Qyrǵyz Respýblikasyna jetkizildi. Bul týraly Qazaqstannyń Syrtqy ister ministrliginen málim etti, dep habarlaidy "Ult aqparat".
Atap ótilgendei, bul - Qyrǵyz eline kórsetiletin gýmanitarlyq kómektiń alǵashqy partiiasy.
Júk barlyq sanitarlyq-epidemiologiialyq normalar saqtala otyryp, temirjol arqyly 12 vagonmen jetkizildi.
«Qazaqstan Prezidenti Qasym-Jomart Toqaev pandemiiaǵa qarsy kezeńde kórshi elderge qoldaý kórsetý maqsatynda Qyrǵyzstan men Tájikstanǵa jalpy somasy 3 mln AQSh dollarynan astam qarajatqa ár elge 5 myń tonna kóleminde un túrinde gýmanitarlyq kómek berý týraly sheshim qabyldaǵanyn atap ótken jón. Qyrǵyzstannyń Aýyl sharýashylyǵy, tamaq ónerkásibi jáne melioratsiia ministri Erkinbek Chodýevtyń aitýynsha, qyrǵyz tarapy Qazaqstan Respýblikasynyń Úkimeti kórsetken kómekti joǵary baǵalaidy jáne baýyrlas qazaq halqyna tereń rizashylyq bildiredi», - delingen SIM aqparatynda.
Gýmanitarlyq kómek Qyrǵyz Respýblikasy Úkimetiniń janyndaǵy Memlekettik materialdyq rezervter qorynyń qoimasyna ornalastyryldy.
