Qazaqstan ǵalymdary mysyqty koronavirýstan qorǵaityn vaktsina ázirledi. Bul jaiynda Qazaq ulttyq agrarlyq ýniversiteti janyndaǵy Halyqaralyq vaktsinologiia ortalyǵynyń direktory Qaisar Tabynov Facebook paraqshasynda jazdy, dep habarlaidy QazAqparat.
Onyń atap ótýinshe, elordada ótip jatqan Kazagro/Kazfarm-2021 halyqaralyq kórmesinde mysyqtarǵa arnalǵan COVID-19-ǵa qarsy jańa sýbbirlikti NARUVAX-C19 (pets) vaktsinasy QR Aýyl sharýashylyǵy ministri Erbol Qarashókeevke tanystyrylǵan.
«Ókinishke qarai, bizdiń keibir úi janýarymyz, onyń ishinde mysyqtar bul infektsiiany juqtyrýǵa beiim ári osynaý zulym virýstyń mýtatsiiasyna óz úlesin qosý qaýpi de joǵary. Álemdegi keibir framatseftikalyq alyp kompaniialar janýarlarǵa arnalǵan COVID-19 vaktsinasyn ázirlep jatyr. Mysyqtarǵa arnalǵan bizdiń COVID-19 vaktsinasyn ázirleýmen QR AShM Qazaq ulttyq agrarlyq ýniversiteti janyndaǵy Halyqaralyq vaktsinologiia ortalyǵynyń, QR DSM Asa qaýipti infektsiialar ulttyq ǵylym ortalyǵynyń ǵalymdary ainalysty. Eki márte immýndaý rejiminde NARUVAX-C19 (pets) mysyqtarǵa tolyǵymen qaýipsiz, sonymen qatar SARS-COV-2 virýsynan qorǵanysty qamtamasyz etti. Sonymen qatar ol COVID-19 virýsynyń delta nusqalaryna qarsy beitaraptandyrýshy antideneniń joǵary titriniń qalyptasýyna sep boldy», - dedi ol.
Sonymen qatar Qaisar Tabynov beiindi vedomstvo – Aýyl sharýashylyǵy ministrliginiń ǵalymdardyń bul jumysyna tolyqtai qoldaý kórsetip otyrǵany qýantatynyn atap ótti.
