Qazaqstan birneshe elmen áýe bailanysyn qysqartpaq. Bul týraly QR Densaýlyq saqtaý vitse-ministri – QR Bas memlekettik sanitar dárigeri Erlan Qiiasov málim etti, dep habarlaidy "Ult aqparat".
«Tiisti jospar bar jáne ony taiaýda júzege asyramyz. Osy oraida birneshe baǵyt boiynsha áýe reisterin qysqartý eskerilgen. Bul turǵyda Ýkraina, Germaniia, Belarýs, sondai-aq BAÁ qamtylmaq. Sonymen qatar buǵan deiin Túrkiiamen aradaǵy reisterdi qysqartý týraly jariialaǵan edik», - dedi vitse-ministr Ortalyq kommýnikatsiialar qyzmetinde.
