Indoneziiada ótip jatqan Aziia oiyndarynda qazaqstandyq Aleksei Lýtsenko velosporttan toptyq jarysta chempion atandy. Kúmisti japoniialyq Fýmiiýki Beppi, qolany tailandyq Navitý Liphoni ielendi, dep habarlaidy "Ult aqparat" Azattyqqa silteme jasap.
Lýtsenko 2014 jylǵy Aziia oiyndarynda da altyn alǵan.
Sonymen qatar 23 tamyzda akademiialyq eskek esýde áielder arasyndaǵy jekelei jarysta Aleksandra Opachanova, stenda atýdan Mariia Dmitrienko qola medal ielendi.
Qazaqstan sportshylary Djakartadaǵy Aziia oiyndarynda 2 altyn, 6 kúmis, 15 qolamen jalpy esepte 12-orynda keledi. Buǵan deiin semserlesýden Dmitrii Aleksanin Aziia oiyndarynyń chempiony atanǵan.
Aziia oiyndaryna 440 qazaqstandyq sportshy qatysyp jatyr. Aziia oiyndary qyrkúiektiń 2-ci kúni aiaqtalady.
