Biyl elimizde aýyl turǵyndarynyń 92 paiyzy sýmen qamtamasyz etiledi. Bul týraly Indýstriia jáne infraqurylymdyq damý ministrligi baspasóz qyzmetinen málim boldy, dep habarlaidy "Ult aqparat".
«Qazir elimizde sýmen jabdyqtaý qyzmetterine azamattardyń 94,1 paiyzy, onyń ishinde qalalarda - 97,5%, aýyldarda - 90,1% qol jetkizgen. Biyl jyl qorytyndysynda taǵy 200 myńǵa jýyq adamdy qamtý josparlanǵan. Bul degenimiz - 17,86 mln adam nemese respýblika halqynyń 95%. Atap aitqanda qalalarda - 98%, aýyldarda – 91,8%», - delingen ministrlik málimetinde.
2025 jylǵa qarai turǵyndardy 100% sýmen qamtý josparlanyp otyr. Ol úshin «Nurly jer» memlekettik baǵdarlamasy aiasynda sýmen jabdyqtaý jáne sý burý júielerin salýǵa ári jańǵyrtýǵa 586 mlrd teńge bólinedi.
