Junior Eurovision 2021 halyqaralyq án baiqaýynyń Ulttyq irikteýi qazylar alqasynyń músheleri kelesi kezeńge ótý úshin baq synasatyn eń myqty 30 qatysýshyny anyqtady, dep habarlaidy QazAqparat.
Kelesi kezeńge ótken qatysýshylardyń tizimi jevision.khabar.kz saitynda jariialandy.
Ulttyq irikteýdiń finalisteri onlain-daýys berý arqyly anyqtalady. Daýys berý 8 qazan kúni saǵat 00:00-de bastalyp, 12 qazanǵa deiin jalǵasady.
Bul kezeńde qazaqstandyqtar jevision.khabar.kz saitynda ózderine unaǵan qatysýshyǵa daýys bere alady.
Ulttyq irikteýdiń finalynda jas talanttar óz ánderin oryndaidy. Bul kezeńdeelimizdiń kompozitorlary qatysýshylarǵa arnaiy án jazady.
Ádilqazy alqasynyń bergen baǵasy men SMS daýys berý nátijesinde jeńimpaz anyqtalatyn bolady. Eń kóp upai jinaǵan finalist Parijde ótetin Junior Eurovision Song Contest Halyqaralyq án baiqaýyna Qazaqstannyń atynan qatysady.
Qazaqstan aimaǵynda Junior Eurovision Song Contest baiqaýynyń finaly «Habar» arnasynyń efirinde transliatsiialanady.
Esterińizge sala keteiik, biyl baiqaýǵa Qazaqstannyń barlyq óńirinen 819 ótinim kelip tústi.
19-shy halyqaralyq balalar baiqaýynda Junior Eurovision Song Contest 19 el: Albaniia, Armeniia, Ázerbaijan, Bolgariia, Frantsiia, Grýziia, Germaniia, Irlandiia, Italiia, Qazaqstan, Malta, Niderlandy, Soltústik Makedoniia, Polsha, Portýgaliia, Resei, Serbiia, Ispaniia jáne Ýkraina kezdesedi.
Atalmysh baiqaýǵa Qazaqstannyń osymen tórtinshi márte qatysýy - «Habar» agenttiginiń 2016 jyldan beri Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr.
Biyl jobany ótkizýge Qazaqstan Respýblikasy Mádeniet jáne sport ministrligi qoldaý kórsetti.
