Qazaqstan kúzge qarai Pfizer vaktsinasynyń taǵy 300 myń dozasyna tapsyrys beredi. Densaýlyq saqtaý ministri Ajar Ǵiniiat ortalyq kommýnikatsiialar qyzmetinde ótken brifingide osyndai jospar baryn aitty, dep habarlaidy QazAqparat.
Búgingi tańda elimizde 1 mln 630 myń 930 doza vaktsina bar. Onyń ishinde, 329 myń doza - «QazVac», 1 mln 200 myńdai doza - Sinopharm, 106,5 myń doza - Pfizer vaktsinasy. Naqty Almaty qalasy boiynsha aitsaq, búgingi tańda «QazVac»-tyń 37 myń dozasy, Sinopharm-nyń 180 myń dozasy, Pfizer-diń 8 600 dozasy bar», - dedi ministr.
Sondai-aq, ol ai saiyn otandyq «QazVac» vaktsinasynyń 500 myń dozasy óndiriletinin eske saldy.
«Búginde shamamen 2 mln doza vaktsina bar. Sondyqtan vaktsina jetpei jatyr dep aitýǵa negiz joq. Pfizer-ge kelsek, qolda qalǵan dozalardy qoldanyp jatyrmyz. Kúzgi kezeńge dep balalar men júikti áielderge qosymsha tapsyrys jasalady. Qazirgi esep boiynsha bul sanatqa jatatyn 150 myń adamǵa 300 myń vaktsina alý kerek», - dedi ministr.
